Фараж: Брегзитот и победата на Трамп покренаа глобална револуција

Поранешниот лидер на британската Партија за независност (УКИП) Најџел Фараж изјави дека Брегзитот и победата на американскиот претседател Доналд Трамп покренале „голема глобална револуција“ што ќе се прошири и во другите западни земји. 

Фараж ја поздрави извонредната победа на Трамп и потсети дека го поддржувал за време на кампањата.

- Кога идните генерации ќе учат за историјата од овој период, една година ќе се истакнува, а тоа ќе биде 2016, нагласи Фараж. 

Тој ги наведе и „возбудливите избори“ што оваа година се очекуваат во Холандија, Франција и Германија, а можеби и во Италија.