„Фајненшел тајмс“: Кипарскиот претседател се заканува да го потопи договорот на Меркел за бегалците

Јасната позиција на кипарскиот претседател Никос Анастасијадис, дека нема да се согласи со отворањето на поглавјата во преговорите за присоединување на Турција кон ЕУ, блокирани од Никозија, е тема во британскиот весник „Фајненшел тајмс“ под наслов „Кипарскиот лидер се заканува да го потопи договорот на Меркел за бегалците“.

Весникот ја цитира изјавата на Анастасијадис, дека никогаш нема да прифати да биде убеден да ја даде согласноста (за отворање на поглавјата), зашто во спротивен случај нема друг избор, освен да не се врати во Кипар.

По средбата со лидерите на ЕУ премиерот на Турција Ахмет Давутоглу „се пофалил“ пред турски новинари дека предизвикал „скандал во ЕУ“ и земјите-членки биле принудени да се обратат кон кипарските Грци на „остар начин“, се наведува во написот.