Европскиот совет го усвои заклучокот за Дијалогот Белград – Приштина
Во заклучоците од првиот ден од Самитот, лидерите на Еверопска Унија го поздравија договорот за патот кон нормализација на односите постигнат од Белград и Приштина, како и анексот за имплементација, што беше постигнат преку Дијалогот што го водеше високиот претставник на ЕУ.
Во заклучоците по средбата, во точката број 25, што се однесува на Белград и Приштина, е наведено дека договорот е постигнат како составен дел од нивниот европски пат. Двете страни се повикани да ги спроведат своите обврски целисходно и со добра волја.
Високиот претставник на ЕУ за надворешна и безбедносна политика, Жозеп Борел, претходно изјави дека договорот постигнат во Охрид ќе биде составен дел на европскиот пат меѓу Белград и Приштина.
Тој додаде дека документот ќе биде дел од преговарачките поглавја на ЕУ со Србија, како и оти ќе биде дел од условите што треба да ги исполни Приштина.
Во Охрид, каде што на 18 март се одржа средба во рамките на Дијалогот меѓу Белград и Приштина, Борел најави дека ќе ги извести министрите за дискусиите што се воделе и дека истото ќе го стори и на Самитот на шефовите на држави и влади на ЕУ.
Ново на Сител
-
Алтернaтива: Изречените казни за пожарот во модуларната болница во Тетово се втор пожар
-
Полицијата пронашла мртов маж за кој се сомнева дека е напаѓачот во Љубљана
-
Две жртви во пукање во Љубљана
-
Нормализиран железничкиот сообраќај, исплатена априлската плата во ЖРСМ Транспорт
-
Ахмети: Уставните измени треба да се случат
-
Организаторите на Европското првенство во танци 2023 најавуваат возбудлив состав и почеток на натпреварите
-
Турските специјални сили пристигнаа на Косово за да му помогнат на КФОР
-
СПМ: Уставните измени се производ на уцени кои не се прифатливи за македонските граѓани