Европратеник од СИРИЗА исклучен од партијата поради пријава за сексуално вознемирување

Грчкиот актер и европратеник од СИРИЗА Алексис Георгулис повеќе не е член на партијата и еврогрупата, откако претседателката на ЕП побара да му биде одземен имунитетот по добиеното барање од белгиските власти, јави дописничката на МИА од Атина.

Според грчките медиуми, пред три години била поднесена пријава против Георгулис за сексуално вознемирување, а вчера по барањето на претседателката на Европскиот парламент за одземање на имунитетот на европратеникот, со соопштенија, истовремено излегоа и СИРИЗА и самиот Георгулис.

Европратеникот коментираше дека станува збор „очигледно лажна и клеветничка пријава за инцидент што наводно се случил пред три години“ и паралено се поднесе оставка од партијата.

Од СИРИЗА и од еврогрупата на СИРИЗА соопштија дека Георгулис е исклучен од партијата по информациите за покренато обвинение.

Владејачката Нова демократија побара од опозициската партија да одговори на што точно се однесува пријавата против Георгулис и дали тој си заминал од партијата или бил исклучен, со оглед на тоа дека двете страни излегоа со соопштенија со различни ставови.