Евробаскет: Франција-Шпанија „Ел Класико“ на европската кошарка

Франција и Шпанија ќе играт уште еден натпревар за пласман во финалето. Ова претставува „Ел класико“ на европската кошарка. На последното СП лани во Шпанија „црвената фурија“ победи во групата, а „триколорите“ се реваншираа во четвртфиналето. Исто како и на претходното ЕП во Словенија кога победија во продолжение. 

Претходните три победи беа за Шпанија – четвртфиналето на ЕП во Полска, финалето на ЕП во Литванија и четвртфиналето на Олимписките игри во Лондон. Сега ситуацијата е слична Франција важи за фаворит, а Шпанија игра променливо. Кој ќе има повеќе расположени играчи тој ќе слави победа. 

 

Инаку, синоќа во последното четвртфинале Литванија по продолжение ја победи Италија со 95:85. И дури три играчи имаа дабл-дабл учинок: Валанчиунас 26 поени и 15 скокови, Мачиулис 19 поени и 10 скокови и Калниетис 14 поени и 11 асистенции. Литванија во утрешното полуфинале ќе игра против Србија која рутински ја победи Чешка со 89:75. Ерцег со 20 поени беше најефикасен, додека Теодосиќ имаше 12 поена и 14 асистенции.

 

Преносите од полуфиналните дуели вечерва Франција – Шпанија и утревечер Србија – Литванија ќе можете да ги проследите со пренос на СИТЕЛ телевизија од 21 часот.