Еве како ве лажат со дојави на Фејсбук и форуми

"Дојави", "Вистински дојави", "100 посто дојави", "Наместени утакмици", "Сигурна добивка" - сигурно досега сте налетале на групи со слични имиња на Фејсбук или барем на некој коментар како: "Поздрав, извинете што сметам, но морам ова да го споделам со вас. Знам дека многу лажат, но ОВОЈ човек ме увери дека дојави постојат и заблагодарувајќи на него ги вратив сите свои долгови."

 

Првиот чекор на преварантите е да пронајдат 30 луѓе

 

Нивните превари функционираат по систем познат како 30-10-3-1. Најпрво со кампања на Фејсбук, каде рекламираат и објавуваат добитни ливчиња, пари, луксузни наочари, часовници па дури и автомобили, пронаоѓаат 30 луѓе на кои ќе им ја испратат дојавата.

 

Првата дојава им ја праќаат бесплатно

 

За почеток од нив не бараат пари, само да го погледнат резултатот откако натпреварот ќе заврши. Не избираат натпревари со мали коефициенти, на пример Лас Палмас - Барселона каде Барселона е фаворит, туку неизвесни натпревари со големи коефициенти. Претходно оние 30 лица на кои ќе им биде кажана "дојавата" се поделени во три групи од по 10 луѓе, поради тоа што во фудбалот можни се три конечни исходи, на 10 луѓе им е испратени да оддиграат на победа на домаќинот, на 10 луѓе им е испратено да оддиграат на победа на гостинот и на останатите 10 на нерешен резултат.

 

Веднаш по првиот натпревар им остануваат 10 луѓе од кои извлекуваат пари

 

После првиот натпревар, без разлика како и да заврши таа, имаат десет луѓе кои ги "увериле" дека го имаат изворот на вистински дојави, додека останатите 20 ги блокираат на Фејсбук. Повторно ги контактираат оние кои, среќно го добиле точниот тип и бараат дел од парите да им се уплатат пред следниот натпревар, а дел откако ќе заврши истиот. По истиот рецепт ги делат во три групи, а по завршувањето на следниот натпревар, повторно како и да заврши имаат три жртви. Така уверени поради тоа што два пати веќе добиле точен тип, сега уште поцврство уверени дека ја имаат својата "златна кокошка" веќе планираат како ќе ги потрошат парите заработени од следната дојава. 

Откако и последниот ќе ја добиe погрешната "дојава", тргнуваат во барање на нови жртви

Преварантите повторно ги делат луѓето во три групи, па во четвртиот круг останува само еден од 30 луѓе кои биле на почетокот. Тој еден, по три добивки овој пат поскапо ќе ја плати дојавата, а со тоа и ќе вложи повеќе пари на нејзе. Откако и тој ќе промаши, преварантите го затвораат "кругот", ја исклучуваат фејсбук страната на Фејсбук, па тргнуваат во лов на други 30 луѓе од нов профил.

"Неделно заработував по 300 евра"

"Мојата тактика беше: Да направам фејсбук страница на која давам поклон нови мобилни телефони по случаен избор, на оние кои ја споделиле страната и го лајкнале коментарот. Награда, односно телефон не давам на никој, а кога страницата собра повеќе луѓе и стана популарна не ми беше тешко да пронајдам дневно по десетина луѓе кои треба да ги уверам дека имам дојава. Тројца би добиле точен резултат, со тоа што подоцна би ми испратиле по 20 евра за следната дојава, а потоа ќе ги блокирам и со останатите администратори на страницата ќе ги избришеме нивните незадоволни коментари", открива еден од оние преваранти, вели заработувал по околу 300 евра од кој дел трошел за плаќање на реклами на Фејсбук.

Запрашајте се зошто би ви дале дојава!

Ако некогаш ви понудат дојава, доволно е само да го вклучите мозокот и да се запрашате зошто некој би ви го кажал натпреварот на интернет наместо да отиде во кладилница, да вложи пари, и сам да си ја заврши работата осигурувајќи и заработувајќи добра сума на пари.