ЕУРО 2016: Велс прв во групата Б, Русија го заврши настапот

Репрезентацијата на Велс го освои првото место во групата Б откако вечерва ја совлада Русија со 3:0, а Англија и Словачка одиграа 0:0.

Головите за Велс ги постигнаа: Арон Ремзи (11.минута), Неил Тејлор (20) и Герет Бејл (67).

Велс е прв со 6 бодови, Англија која нема пораз има 5, а Словачка како трета има 4 и ќе ја чека разврската од другите групи, но има подобар пласман од третопласираната од А групата Албанија. Русија го заврши настапот на Европското првенство.