Еулекс ги отпушта косовските Срби кои не знаат албански јазик

Од ноември оваа година ниту еден косовски Србин нема да може да работи во оперативниот центар на мисијата на ЕУ (Еулекс) во Приштина, јави Танјуг.

Според адвокатот на Србите вработени во Еулекс,Алекс Рајтер, таквиот потег е дискриминација бидејќи вработените ги исполнуваат условите за добро познавање на англискиот јазик, но е зборуваат и албански.

Засегнатите поднеле жалби до шефот на Еулекс, но според Рајтер тој само „ја потврдил дискриминацијата“.

Отпуштените барале прашањето да го реши арбитражен суд според условите од договорот, но шефот на мисијата одговорил дека косовските службеници не можат да оспоруваат одлуки на мисијата на ЕУ.