ЕУ не успева да се договори околу плановите за распределба на бегалците

Предлог договорот, кој денеска го разгледуваат министрите за внатрешни работи од ЕУ, предвидува распределување на 120.000 мигранти во земјите од Унијата, но не се потврдува начинот на кој тие треба да бидат распоредени.

Првичната пилот шема за распределување на 40.000 лица од Италија и Грција ќе биде усвоена официјално од министрите.

Нивното распоредување ќе биде доброволно, откако првичниот предлог за квоти наишол на несогласување.

Претседателот на Европскиот совет, Доналд Туск во петокот изјави дека ќе свика вонредна средба на високо ниво на ЕУ за миграциската криза, доколку министрите за внатрешни работи денеска не успеат да постигнат договор.