Етингер: Брегзит создава кусок во буџетот на ЕУ од 10 милијарди евра
Еврокомесарот за буџет Гинтер Етингер изјави дека повлекувањето на Велика Британија од ЕУ ќе создаде празнина во буџетот на Унијата од околу десет милијади евра.
Според Етингер, таквата ситуација ќе наметне или намалување на трошењето во рамките на Унијата или изнаоѓање дополнителни средства за пополнување на „дупката“ која изнесува 16 отсто од вкупните буџетски средства.
Како можности за надминување на оваа ситуација, што се очекува да се појави по 2019 година кога Британците треба конечно да се повлечат од ЕУ, еврокомесарот ги наведе помалото издвојување за земјоделците или воведувањето данок на финансиските трансакции.
- Кога една голема земја, која е и голем вложувач во буџетот на ЕУ ќе замине, мора да има последици, изјави Етингер на презентацијата на документите за иднината на Унијата.
Еврокомесарот за буџет предупреди дека проблемите нема да настанат само со британското излегување, туку и поради потребите да се обезбедат средства за финансирање на одбраната, на внатрешната безбедност на ЕУ, како и на низа други неопходни активности.
Ново на Сител
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи
-
Зеленски до Парламентот поднесе предлог-закон за продолжување на мобилизацијата
-
Обид за убиство на политичар во северно Косово, од партијата велат дека се вмешани Белград и Радоичиќ
-
Единаесетти парламентарни избори, се кандидирале 1002 мажи и 753 жени
-
Утре гласаат 11.123 болни и немоќни лица за претседателските и 11.225 за парламентарните избори
-
Владата утре ќе се задолжи со 39 милиони евра на домашниот пазар
-
Агенцијата на ОН за помош на Палестинците УНРВА одби да се евакуира од Рафа