Ескобар: Во БиХ нема да има војна
Габриел Ескобар, заменик помошник секретар во Бирото за европски и евроазиски прашања на Стејт департментот изјави дека нема да има нова војна во Босна и Херцеговина.
– Во БиХ нема да има војна и не знам зошто луѓето зборуваат за војна, а треба да зборуваат за економски развој. Кога луѓето ќе излезат на гласање, мислам дека имаат јасни опции меѓу оние кои сакаат да продолжат со етничките поделби од 1990-тите и оние кои сакаат да одат напред, изјави Ескобар за Ал Џезира Балкан.
На прашањето дали САД работат на пакет санкции за функционерите во БиХ, тој одговори дека се уште никој не зборува за санкции.
– Санкции може да бидат насочени против поединци, но сè уште сме во фаза на дијалог, рече Ескобар, предупредувајќи дека ентитетите немаат уставно овластување еднострано да се повлечат од институциите.
Американскиот дипломат понатаму рече дека претседателот на Србија Александар Вучиќ ја има поддршката од САД се додека е на европскиот пат.
– Нашиот однос со Србија не е ниту добар ниту лош, тој е комплициран. Се надевам дека ова „партнерство во развој“ што го имаме со Србија ќе може да помогне за стабилноста во регионот, рече Ескобар, одговарајќи на прашањето дали Србија е дестабилизирачки фактор во регионот.
Ново на Сител
-
Алкараз го совлада Синер за прва титула во Рим
-
Македонските тенисери елиминирани во квалификациите на „Macedonian Open 2025“
-
Ратко Радовановиќ и Пау Гасол нови членови на кошаркарската Куќа на славните на ФИБА
-
Новиот претседател на Романија, Никушор Дан – математичар во борба против корупцијата
-
Обвинение за загрозување на сигурноста на судија во Гостивар
-
МВР со апел за безбедни матурски прослави
-
Универзитетската клиника за урологија стана лиценциран центар за поставување на вештачки уринарен сфинктер
-
Приведен 53-годишен маж од Кочани, возел под дејство на алкохол