Еро: Велика Британија именува лажго за шеф на дипломатијата

Со именувањето на Борис Џонсон за нов шеф на дипломатијата, Велика Британија на таа функција постави еден лажго, иако во овој момент и треба некој доверлив, изјави денеска францускиот минсиетр за надворешни работи Жан-Марк Еро.

– Воопшто не ме загрижува Борис Џонсон, но за време на кампањата тој многупати го лажеше британскиот народ и сега тој е во ќош откако е фатен во лаги, изјави Еро за радио Јуроп-1.

Иако Џонсон нема да биде задолжен за преговори за излез на Велика Британија од ЕУ, Еро овојпат имаше остро предупредување за својот нов британски колега.

– Тој многу пати е фатен во лага. Мене ми е потребен партнер со кој може да преговарам и кој е јасен, кредибилен и доверлив, нагласи Еро.    

По Брегзит Џонсон одби да биде британски премиер, но Тереза Меј вчера го именува за шеф на дипломатијата.