Ерјавец: Словенија е изненадена од одлуката на Унгарија за поставување ограда

Словенечкиот министер за надворешни работи Карл Ерјавец изјави, дека неговата влада е изненадена од одлуката на Унгарија да постави безбедносна ограда долж границата меѓу двете земји, кои се членки на Европската унија.

Ерјавец нагласи дека Словенија не била информирана навремено за ваквиот чекор на Унгарија, како и дека оградата не е потребна. Двете држави се земји членки на Шенген зоната за слободно патување, каде луѓето се претпоставува дека можат да ги минуваат границите слободно.

Портпаролот на унгарската влада Золтан Ковач денеска изјави дека оградата на словенечката граница треба да го блокира споредниот пат на имигрантите, кои се обидуваат да ја избегнат оградата на унгарската граница со Србија и Хрватска.