Ердоган: Турција повеќе нема трпение и енергија да трча по Европа

Турскиот претседател Реџеп Тајип Ердоган денеска изјави дека кога Европската унија ќе ги исполни ветувањата за визната либерализација и хуманитарната помош и кога ќе отвори нови поглавја во преговорите за членство, Турција дури тогаш ќе покаже добра волја од своја страна.

Ердоган, кој говореше пред група локални лидери во претседателската палата во Анкара, нагласи дека Турција повеќе нема трпение и енергија да трча по Европа. 

Тој исто така изјави дека Анкара сака да ги развива политичките и економските односи со Русија, Иран, Кина и земјите од централна Азија на највисоко ниво.

Тој додаде дека сепак добрите односи со Истокот, не се алтернатива на односите со Западот и обратно.