Ердоган им понуди на Русија и на Украина мировни преговори во Турција
Турскиот претседател Реџеп Таип Ердоган преку видео порака, соопштена на самитот „Украина-Југоисточна Европа“ во Тирана, нагласи дека неговата земја е подготвена да биде домаќин на мировните преговори меѓу Русија и Украина.
Ердоган кажа дека неговата земја продолжува да го поддржува мирното решение за сеопфатната руска инвазија врз Украина и е подготвена да понуди платформа за соодветни преговори.
-И покрај фактот што влеговме во третата година од тоталната војна и покрај сите наши напори, нема доволно напредок кон мирот. Јас сум посветен на тоа на дипломатијата и дијалогот да им дадам шанса за да се заврши војната со праведен и траен мир, рече Ердоган во видео пораката.
Ердоган повика на заедничка работа за „утврдување на општите параметри на мирот“ и изјави дека, во оваа смисла, Анкара во принцип го поддржува мировниот предлог на Украина. Тој потоа потсети дека Турција помогна во спроведувањето на Црноморската иницијатива за жито, од која Русија се повлече во летото 2023 година.
„Од друга страна, подготвени сме повторно да ја понудиме преговарачката маса што претходно ја организиравме во Истанбул за да изградиме мир“, додаде тој.
Москва и Анкара претходно ја најавија посетата на рускиот претседател Владимир Путин на Турција. Посетата ќе се одржи по претседателските избори во Русија, закажани за 17 март.
Ново на Сител
-
Врвните светски параглајдеристи се натпреваруваат во Крушево
-
Се претставил како дипломат на ГП „Табановце“, приведени две лица за фалсификување исправа | ФОТО
-
Активни пожарите на Готен и во малешевијата, на Бешешки рид и уште четири други
-
Приведени четири лица за управување возило под дејство на алкохол
-
Зголемена фреквенцијата на возила на граничните премини Табановце и Пелинце
-
Засилени царински патроли на Охридско Езеро: Целосна контрола на пловните објекти за спречување криминал и избегнување на давачки
-
ЈП Водовод и канализација – Скопје: Повторно енормно зголемена и неконтролирана потрошувачка на водата
-
УХМР: Денеска до 43, од утре и следната недела пониски температури, нестабилност со пороен дожд и грмежи