EП: Словенија го „понижи“ шампионот!

Кошаркарската репрезентација на Словенија ќе игра во финалето на Европското првенство откако во првото полуфинале ја декласира Шпанија со 92:72.

 

Словенците буквално го прегазија актуелниот првак и в недела во своето прво финале ќе се борат за европската титула.

 

Тимот на српскиот тренер Игор Кокошков на Шпанците им одржа кошаркарски час, особоено во второто полувреме кога предноста стана двоцифрена. Словенците го „торпедираа“ шпанскиот кош погодувајќи 14 тројки од 25 обиди.