ЕП - Б дивизија: На крајот пораз и од Данска

Машката јуниорска репрезентација на Македонија Европското првенство – Б дивизија што се игра во Скопје го заврши на 16.место откако денеска го загуби дуелот за 15.та позиција од Данска со 85:61 (16:17; 19:18; 27:10 и 23:16).

По изедначеното прво полувреме (35:35) нашите јуниори одиграа под очекуваното во третиот период, кој противникот го реши во своја корист со 17 поени и со тоа само ја навести победата. Најефикасен на натпреварот беше Ненад Димитријевиќ (Македонија) со 26 поени, додека кај победничката екипа најефикасен беше Силвестер Берг со 25 поени, а имаше и 11 скокови.

До крајот на шампионатот што се игра во Скопје остануваат да се одиграат уште неколку натпревари за пласман, а досега завршија дуелите:

Белгија – Полска 71:51 (за 5.место);

Чешка – Естонија 65:78 (за 7.место);

Македонија - Данска 61:85 (за 15.место);

Австрија - Холандија 64:85 (за 17.место);

Шкотска – Албанија 68:71 (за 21.место);

Кипар – Република Ирска 56:72 (за 23.место);

 

Вечерва во СЦ „Борис Трајковски“ од 21 часот се игра финалето меѓу Црна Гора и Украина, а од 18:45 часот играат: Унгарија и Словачка.