Експериментална поетска книга за деца и млади „Биди ѕвезда“

Издавачката куќа „Феникс“ објави експериментална поетска книга за деца и млади „Биди ѕвезда“ од Христо Петрески која содржи 33 текстуални песни и 11 сигналистички односно визуелни. Сите песни поделени се во три циклуси: Тролови, На денешен ден и Слатко море.

Петрески заедно со писателот Трајче Кацаров неодамна го напиша манифестот за поезијата за деца и млади „За сегашните и идни деца“ и е еден од покренувачите и основачи на новооснованата група писатели за деца и млади Нови штурци.

- Поетската книга „Биди ѕвезда“ е иновативна и експериментална, со духовити и необични песни, игрива и весела, со цел да се доближи и да го привлече вниманието на современите најмлади читатели...Таа е прва од новите изданија на групата Нови штурци. Се подготвува и ќе излезе од печат и Антологијата на (нај)современа македонска поезија за деца и млади Нови штурци (тоа не сум јас), информира „Феникс“.