Економската криза во Грција влијае врз срцевите заболувања кај Грците

Економската криза дава сериозен одраз и врз срцевите заболувања на Грците, сметаат грчки кардиолози, цитирани од весникот „Политис“.

Истражувањата покажале дека 17,4 отсто од учесниците изјавиле дека прекинале да земаат лекарства поради слаби финансии.

Вкупно 11,8 отсто сметаат дека трошоците за лекарства се големи и оти не можат да си дозволат да си ги купат.

Вкупно 55,8 отсто се убедени дека стресот е главен фактор за коронарна болест на срцето, а исто така и за други срцеви заболувања.

Се смета дека овој процент е поголем во споредба со годините пред економската криза во Грција.