ЕК: Криминалци во ЕУ нудат 1,1 милијарди дози вакцини на црниот пазар
Европската унија открила дека криминалци нудат 1,1 милијарди дози вакцини во вредност од 15,4 милијарди евра на црниот пазар, соопшти Европската комисија при презентирање предлози за подобрување на борбата против организираниот криминал.
Најголем дел од европски криминални групи (70 проценти) ги спојуваат своите активности со економијата и ги „перат“ стекнатите финансиски средства, 60 проценти учествуваат во корупција, 80 проценти користат законски бизнис за своите злодела.
Криминалните групи најчесто се поврзани со производство и дистрибуција на дрога, криумчарење, купување и продавање недвижнини, трговија со луѓе и нелегална активност на интернет.
Комисијата забележува дека при трговија со луѓе, 60 проценти од жртвите се принудени на проституција и 15 проценти се принудени да работат на црно. Повеќето жртви на трговија со луѓе (72 отсто) се жени, а околу половина од нив се граѓани на ЕУ.
ЕК планира да ја подобри полициската соработка до 2025 година, да инвестира дополнителни сили во борба против големи криминални активности, да ги прекине можностите за „перење“ на незаконски стекнати средства и да ја усогласи работата на судството согласно дигитализацијата. Според Комисијата, исто така, е неопходно да се разгледа дел од европското законодавство поврзано со борбата против организираниот криминал.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош