ЕФЛ куп: Ливерпул обезбеди полуфинале

Екипата на Ливерпул е првиот полуфиналист во ЕФЛ купот (Лига куп) откако во четвртфиналето го совлада тимот на Лидс со 2:0. Ливерпул победата ја постигна на домашен терен со головите на Дивок Ориги во 76.минута и на Бен Вудбурн 81.минута (стана најмлад стрелец на Ливерпул).

На вториот дуел од четвртфиналето Хал и Њукасл играат продолжение - резултатот е 1:1.

Утре се играат другите два четвртфинални дуели: Арсенал - Саутемптон и Манчестер Јунајтед - Вест Хем.