Џонсон: Почнува акција против злоупотреба на интернетот

Британскиот премиер Борис Џонсон го извести својот кабинет дека денеска ќе биде покрената итна акција со социјално медиумските компании против злоупотреба на интернетот и повторно го осуди расистичкото насилство против англиските фудбалери.

Тој истакна дека расистичкото насилство е крајно срамно и произлегува од мрачните простори на интернетот.

Портпарол на Џонсон изјави пред новинарите дека денешниот состанок со социјално медиумските компании ќе се искористи за акција во пресрет на заострените закони кои ќе стапат во сила.

– Очекуваме социјалните медиуми да направат се што е во нивна можност и да ги идентификуваат тие луѓе, нагласи портпаролот.