-->
-->
Џонсон: Има огромен напредок кон договорот за Брегзит
-->
Британскиот премиер Борис Џонсон изјави дека има огромен напредок кон постигнување договор за Брегзит меѓу ЕУ и Велика Британија, пренесува весникот „Мајл од Сандеј“
„Кога дојдов на функцијата сите зборуваа дека апсолутно не е можна никаква измена на договорот. Тие (лидерите на ЕУ) го сменија мислењето и како што гледате сега се води многу добар разговор околу проблемот како да се третира северноирската граница. Има огромен напредок“, рече Џонсон.
Еу и Велика Британија не можат да се согласат околу тоа како да го избегнат повторното воспоставување физичка граница меѓу Ирска, држава членка на ЕУ, и британската провинција Северна Ирска, по постигнувањето на Брегзит. Лондон ја отфрла безбедносната мерка која е вклучена во сегашниот договор, таканаречениот бекстоп, додека ЕУ смета дека е тоа неопходно бидејќи не постои друга веродостојна алтернатива
Бекстоп предвидува Велика Британија да остане во единствениот царински пазар со ЕУ доколку не се најде подобро решение за бекстоп по истекот на рокот одреден за преоден период.
„Ќе има многу работа до 17 октомври, рече Џонсон во освртот на последниот самит на ЕУ пред излегувањето на Велика Британија од Унијата, предвидено за 31 октомври. „Но, јас на тој самит ќе одам и ќе добијам договор, навистина имам надеж. А ако не добијам договор, е па ние на 31 октомври ќе излеземе“, додаде Џонсон.
Тој веќе ја отфрли идејата да бара тримесечно одложување на Брезгит, на што го обврзува минатонеделното гласање во британскиот Парламент, со кое се спречува излегување од ЕУ без договор.
Џонсон утре треба да се сретне со претсдателот на ЕК во заминување Жан Клод Јункер и европскиот претставник задолжен за Брегзит, Мишел Барние.
-->
-->
-->
Ново на Сител
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари