Џиновски печурки повторно пронајдени во атарот на делчевските села
Дождот кој пред неколку дена го зафати делчевскиот регион повторно придонесе за зголемена појава на печурки. Собирачите на печурки велат дека појавата била изразена за викендот, особено во атарот на селата кои се наоѓаа во долниот тек на река Брегалница, а во текот на денешниот ден е пронајдена џиновска печурка тешка околу 1,7 килограми.
– Ги има претежно во шумите кои изобилуваат со дабови насади. Таму може да се сретнат вргањ и лисичарка. Мене денес ме послужи среќата да најдам печурка тешка 1.670 грама, што е една од поголемите кои ги имам пронајдено годинава, вели собирачот на печурки, Валери Цветковски од делчевското село Стамер.
Сепак, како што додаваат откупувачите на печурки, поради долготрајниот сушен период во месец мај, годинава е послаба од минатата година.
– Иако и сега вршиме откуп, сепак далеку сме од нивото на минатата година кога имавме два до три тони откуп неделно, велат откупувачите.
Цените годинава се движат од 100 до 120 денари за килограм суров вргањ, што според печуркарите од Пијанечкиот регион е задоволителна цена, ако се има во предвид слабата сезона.
Популарно од Македонија
Ново на Сител
-
Божиновска на МЕФ 2025: Современ и иновативен енергетски модел е визијата на Македонија
-
Се работи првите 40 километри од автопатот Кичево-Охрид да бидат пуштени до 10 јули, вели Мицкоски
-
Мицкоски: Тоа што го зборува Софија има можност да го докаже со повлекување на амандманите во ЕП
-
Мицкоски очекува годинава да почне изградбата на брзата пруга која е дел од Коридорот 10
-
Мицкоски најавува многу скоро решение за ублажување на растот на цените на прехранбените производи
-
Средба Славески – Паолучи: Народната банка е важен фактор за стабилноста
-
Населба Влае без вода за пиење
-
Кривична за директор и четворица вработени во јавно претпријатие во Кичево за загрозување на животната средина
