Џерард ја заврши кариерата

Легендарниот капитен на Ливерпул, Стивен Џерард денеска објави дека завршува со играчката кариера.

 

- Сега размислувам неколку опции и ќе ве информирам за понатамошните чекори во мојата кариера, соопшти прославениот англиски фудбалер.

 

Тој последните две сезони настапуваше во американската МЛС лига за екипата на ЛА Галакси.

 

Најголем дел од својата кариера, речиси 20 години помина на „Енфлид“ настапувајќи за Ливерпул. Во „црвениот“ дрес одигра 710 натпревари и постигна 186 гола, но не успеа да ја освои Премиер лигата.

 

Има трофеи од Лигата на шампионите, Купот на УЕФА, Европскиот супер куп, три Лига купа, два ФА купа еден Комјунити шилд.

 

За Англија одигра 114 натпревари и постигна 21 гола.