Џенифер Лопез со нов албум и нов филм
По речиси 10 години, латино-поп ѕвездата Џенифер Лопез издава нов албум, со наслов „This Is Me... Now“. На истиот ден - 16 февруари 2024 година, и истоимениот автобиографски документарно-музички филм ќе почне со прикажувањата, објави пејачката на Инстаграм.
„Кога бев мала, и кога ќе ме прашаа што сакам да бидам кога ќе пораснам, мојот одговор секогаш беше - вљубена“, вели Лопез во последниот кус трелер за филмот.
Режисер на филмот е Дејв Мајерс, а тоа ќе биде „екстравагантна визуелна и звучна гозба со импресивна кореографија, костими и бројни ѕвезди во камео улоги“, според описот.
Меѓу насловите на новите песни, пак, е и „Dear Ben Pt. II“, најверојатно посветена на нејзиниот сопруг, глумецот Бен Афлек, со кого ја обнови врската по 20 години разделба и повторно се венчаа во јули лани.
Латино-пејачката и глумица досега глумела во 10-ци филмови, а има издадено осум студиски албуми, три компилациски албуми, една ремикс-компилација, еден со филмска музика, 65 сингл-песни, пет компзиции за хуманитарни цели и 12 песни за промотивни цели. Сѐ на сѐ, познатата Џеј Ло има продадено повеќе од 80 милиони плочи.
Ново на Сител
-
Џака нема дозвола од Баер Леверкузен за трансфер во Милан
-
Лалана ја заврши кариерата
-
Карлос Саинц ја повлече кандидатурата за претседател на ФИА
-
Тркалезна маса во МАНУ „Геополитичкиот пејзаж и проширувањето на ЕУ: Перспективи за Северна Македонија и другите земји-кандидатки од Западен Балкан“
-
Фон дер Лајен ги повика унгарските власти да ја повлечат забраната за Парадата на гордоста
-
Руте: Целиот НАТО, вклучувајќи ги и САД, е посветен на борбата на Украина против Русија
-
САД ја продолжија вонредната состојба на Западен Балкан на уште една година
-
Трамп: САД следната недела ќе разговараат со Иран за неговата нуклеарна програма