Џафери на 15-тата Средба на Југоисточна Европа во Тирана
Средбите на Утринските молитви се инспиративна традиција која ги пренесува вредностите на вера, мир и љубов, и токму тоа се суштинските вредности кои се потребни на човештвото за успешно да се справи со глобалните предизвици на 21. век, порача претседателот на Собранието Талат Џафери во обраќањето на Првата сесија на 15-тата Средба на Југоисточна Европа што се одржува во Тирана, Албанија.
Факт е, додаде, дека секој ден сѐ повеќе се создава глобален контекст на човековата егзистенција, било во економски, политички, културен или религиски контекст.
- Затоа, ценам дека Молитвениот појадок е можност за размена на искуства, ставови или наши убедувања во однос на актуелните глобални развои и предизвиците што тие ги носат, како и истовремено да ја изразиме нашата благодарност за благосостојбата, пријателството и реципрочната соработка. Се радувам што Молитвениот појадок оваа година го допира прашањето на љубовта и почитта кон соседот, затоа што Република Македонија со формирањето на новата Влада, е ориентирана токму кон градењето на меѓусебното разбирање и добрососедските односи, рече Џафери.
Потсети дека Македонија веќе потпиша Договор за пријателство и добрососедство со Бугарија и ги интензивира разговорите со Грција за проблемот со името, а со другите соседни држави иницира реципрочни посети.
- Ценам дека сега повеќе од кога било нашиот регион има потреба од економска и политичка стабилност, и тоа може да се постигне само преку меѓусебна соработка, како на билатерален, така и на мултилатерален аспект. Последните глобални предизвици кои ги опфатија нашите држави, како што беше бегалскиот бран и последните позитивни политички развои, се доказ повеќе дека нашите земји од ден на ден чекорат сигурно кон вратите на Евроатланската интеграција, потнцира Џафери.
Почсочи дека со меѓусебна доверба и почитувајќи го диверзитетот како најголемо богатство што го поседуваат, земјите од регионот ќе успеат побрзо да ги исполнат заедничките стратешки цели, интегрирањето во Европската унија и НАТО.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола