Џафери и координаторите на средба со Спасовски за препораките на Прибе

Министерот за внатрешни работи Оливер Спасовски денеска во Собранието на РМ има средба со претседателот на Парламентот Талат Џафери, координаторите на пратеничките групи и претседателите на комисиите за надзор на комуникациите, во насока на следење на приоритетите и итните реформски приоритети и исполнување на препораките и забелешките дадени од експертската група предводена од Рајн Хард Прибе.

Средбата е на иницијатива на Спасовски, а освен Џафери и координаторите на пратеничките групи, на неа ќе присуствуваат и претседателите и членовите на Комисијата за надзор над УБК и на Агенцијата за разузнавање, Комисија за надзор над спроведувањето на посебна истражна мерка за следење на комуникациите од страна на МВР, Управата за финансиска полиција, Царинската управа и Министерството за одбрана и Комисијата за одбрана и безбедност.