Две лица тешко ранети, а уште четири полесно во напад со нож во Швајцарија
Две лица се тешко повредени, а уште четири се полесно ранети во напад со нож врз случајни минувачи во северниот швајцарски град Зофинген, на околу 50 километри јужно од Базел и германската граница, соопшти локалната полиција.
Нападот се случил вчера околу 17 часот.
-Имаме неколку повредени лица, изјави портпаролот на полицијата за ДПА, додавајќи дека тие се пренесени во болница.
Полицијата соопшти дека добила повици дека маж нападнал луѓе со нож на локална железничка станица. Напаѓачот потоа избегал во блиската зграда, повредувајќи ги и лицата што ги сретнувал по патот.
Полицијата на социјалните мрежи потврди дека насилникот бил уапсен од специјалци откако два часа се криел во зградата. Според локалната полиција, сторителот, за кој се претпоставува дека дејствувал сам, е идентификуван како странец на околу 40 години.
Мотивот за нападот се уште е нејасен.
Сите шест жртви се во болница со убодни рани. Меѓу повредените има и две учителки од кантоналното училиште во Зофинген и една бремена жена, која се здобила со расекотини на лицето, но нејзиниот живот повеќе не е во животна опасност.
Насилникот добил и лекарска помош бидејќи се повредил со нож.
Ново на Сител
-
Охрид доби уште една шанса од УНЕСКО, Мицкоски најави рушење на дивоградбите
-
Девојчето чиј татко ја врза за вратот и рацете е згрижено во установа, мајката не сакала да се грижи за него
-
Преглед на вестите од светот
-
6 лица примени во болница по вчерашните пожари
-
ВМРО-ДПМНЕ: Целта на Бугарија е бришење на јазикот и идентитетот
-
Димитриевски: Сакаме во ЕУ но како Македонци
-
Јавниот линиски општински превоз се поатрактивен за штипјани
-
Преглед на вестите од светот