Две лица осомничени за измама и лажно претставување
Основното јавно обвинителство – Скопје поведе постапка против две лица, од кои едното е осомничено дека го сторило кривичното дело „измама“, а другото – „лажно претставување“.
Првоосомничениот сакајќи да прибави противправна имотна корист за себе, лажно прикажал факти дека има информации оти Основното јавно обвинителство за гонење организиран криминал и корупција води постапка против повеќе физички и правни лица. Притоа, од еден од наводно осомничените и негов пријател побарал парична награда од 75.000 евра, кои ќе му бидат исплатени во неколку наврати за да ги искористи своите врски што наводно ги имал со истражители во Обвинителството за да се запре постапката.
– Наредбата со невистинита содржина која му ја прикажал на оштетениот за да го увери во вистинитоста на своите тврдења, осомничениот ја креирал на неговиот компјутер, со што го довел во заблуда оштетеното лице. Во тоа му помогнал и вториот осомничен, кој на средба со оштетениот лажно се претставил како вработен во Управата за финансиско разузнавање и воедно истражител во Основното јавно обвинителство за гонење организиран криминал и корупција, информира денеска Јавното обвинителство.
На 3 ноември, првоосомничен се сретнал со оштетениот во ресторан во Скопје кој му дал 5.000 евра.
За двајцата осомничени побарана е мерка притвор поради реална опасност од бегство.
Ново на Сител
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници
-
Сиљановска-Давкова: Војната во Украина не е украински, туку европски и светски проблем
-
Талибанците ќе испратат делегација на претстојниот состанок во Доха за Авганистан
-
66-годишен велосипедист тешко повреден во сообраќајка во Илинден
-
Курбан Бајрам одбележуваат припадниците на муслиманската вероисповед
-
Во Владата истакнат премиерски портрет на Џафери