Дванаесетгодишник осомничен за обид за активирање бомба

Германската Влада изрази шокираност од извештаи во медиуми дека 12-годишно дете сакало да активира рачно изработена бомба  за време на Божиќна прослава во градот Лудвигсхафен.

– Тоа се разбира, е вест која сите не шокира, изјави Штефан Зајберт, портпарол на Владата.

Тој доаде дека нема да го коментира случајот се додека не заврши истрагата на обвинителите.

Според Фокус, во прашање е дете со потекло од Ирак и има германско државјанство. Нападот според медиумите, требало да го изврши во градот каде е роден - Лудвигсхафен.

Фокус наведува дека детето е „исклучително радикализирано“ и дека инструкции добива од член на ИД.

На 26 ноември тој оставил ранец на пазар во кој се наоѓала бомба што не експлодирала бидејќи откажал детонаторот. Полицијата го привела детето кое сега е во поправен дом.