Двајца браќа од Скопје нападнале полицаец на скопскиот аеродром

Полициски службеник бил физички нападнат од двајца скопјани вчера пред објектот на аеродромот „Александар Велики“-Скопје.

Како што денеска соопшти МВР, на 04.07.2015 година околу 05.45 часот пред објектот на аеродром „Александар Велики“ - Скопје,  полициски службеник бил физички нападнат од М.М.(23) и неговиот 15 годишен брат, двајцата од Скопје, при што го удриле со тупаници и клоци во пределот на телото. 

Од страна на полициски службеници од ПС за ГП„Аеродром Александар Велики“, М.М. и малолетникот биле приведени во полициска станица и во присуство на нивниот татко А.М.(51), е извршен разговор со истите.

На полицискиот службеник му била укажана лекарска помош од страна на медицински лица во ТАВ.

Се преземаат мерки за целосно расчистување на случајот.