Два пожара вечерва во Росоман

Два пожара избувнаа вечерва во Росоман. Како што потврдија за МИА од Територијалната противпожарна единица од Кавадарци, во моментов гори кај железниот мост на пругата што води кон кавадаречка фабрика.

-Прво гореше над бензинската пумпа кај Сирково. Двајца пожарникари со едно противпожарно возило ги гаснеа запалените сува трева и отпад и не дозволија пламените јазици да се прошират и да ја загрозат бензинската, го локализираа пожарот, појаснија од Единицата.

Пожарот што засега гори кај железниот мост зафатил шума и насади со праски. Во гаснењето учествуваат четворица пожарникари со две противпожарни возила.