Државјани на Македонија и Турција фатени во шверц на злато и сребро на бугарски граничен премин

Окружното обвинителство во Хасково поднесе обвинение против државјанин на Турција и на Република Македонија за шверц на златен и сребрен накит вреден 226.902 лева преку граничниот премин Капитан Андреево, соопшти прес-службата на државното обвинителство.

Случајот е од 29 октомври со автобус што сообраќал од Турција преку Бугарија до Република Македонија. Во автобусот цариниците пронашле 26 пакувања накит со вкупна тежина од 4,147 кг.