Дождот ги полни акумулациите во Струмичко
Малите хидроакумулации во Струмичко преливаат, а големите интензивно се полнат по последните обилни врнежи од дожд, информира Лазо Ѓоргиев, директор на АД „Водостопанство на Македонија“ – Подружница „Струмичко Поле“ од Струмица.
– Засега прелива акумулацијата „Новоселка“, а на „Иловица“ и „Маркова Река“ им недостасуваат неколку сантiметри за да прелијат и тие. Покрај нив интензивно се полни најголемата хидроакумулација „Турија“, во која само за една седмица дотекоа над еден милион и двесте илјади метри кубни вода. Во неа сега има над 21 милиони кубни метри вода, а нивото на „Водоча“ е зголемено за три сантиметри, вели директорот Ѓоргиев.
Тој додава дека од „Турија“, градот Струмица троши меѓу пет и шест милиони кубни метри вода за пиење, а за наводнување се користат 12 милиони кубни метри вода, што значи дека за цела година веќе има собрано вода во најголемата хидроакумулација.
Од акумулацијата „Водоча“ годишно се трошат шест милиони кубни метри вода, а од вкупниот капацитет од скоро 27 милиони кубни метри вода досега се собрани околу 15 милиони.
Ново на Сител
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила
-
Советот за безбедност на ОН денеска ќе расправа за Босна и Херцеговина
-
Вработените во ФЗОM на предупредувачки протест
-
Маж со мачета нападнал луѓе во североисточен Лондон
-
Лекари приватни специјализанти побараа првиот прием на идниот министер за здравство да биде за решавање на нивните барања
-
РСБСП: Внимателно и одговорно возење за време на празниците