ДОМ: Одложување на изборите во интерес на здравјето на граѓаните
Зелената партија ДОМ апелира до сите политички субјекти, во овој период на сериозни предизвици поради пандемијата на коронавирусот, да го стават интересот на граѓаните и државата, пред партискиот интерес и да дадат максимален придонес во борбата против опасниот вирус. Носењето заедничка одлука на партиите за одложување на предвремените парламентарни избори закажани за 12.04.2020 година, на денешната лидерска средба, е вистинскиот чекор.
За ДОМ, грижата и заштитата на здравјето на граѓаните се секогаш врвен приоритет, а особено сега, во услови на пандемија која го потресува целиот свет.
Изборниот процес неминовно би довел до поинтензивни контакти помеѓу граѓаните што е спротивно на мерките и препораките на Светската здравствена организација, нашите експерти и надлежни институции, кои се превземаат со цел спречување на ширењето на вирусот и заштита на здравјето.
Дополнително, одржувањето избори во отсуство на мониторинг мисијата на ОБСЕ и ОДИХР која веќе најави повлекување од Македонија, би можело да предизвика сомнеж во кредибилноста на изборите и недоверба кај граѓаните.
Демократска обнова на Македонија – ДОМ
Ново на Сител
-
Заштеда до 2.000 денари по ученик ќе донесе Училишната кошница
-
Јавното здравство должи повеќе од 72 милиони евра – од ФЗО велат дека месечно го следат работењето на ЈЗУ
-
Се уште активен пожарот на Јасен
-
Мерката училишна кошница е во тек
-
Модернизација на Националниот електронски систем за документи
-
Независните кандидати не се закана за поголемите партии
-
Спасени 28 давеници во Охридското Езеро
-
Државата започна со откуп на пченица за стоковите резерви