Документарци за женските права и ревија на италијански филмови во Кинотеката во март
Во рамки на месечната мартовска програма, Кинотеката на Македонија и оваа година ќе го одбележи 8 Март со „Вечери на женски права“ кои ќе прикажат шест документарни филма.
Од 8-ми до 12 март Кинотеката најави проекции на документарците: „Слободниот глас на Египет - Навал Ел Садави“; „Танџер Гол“; „Да си ја знаеш слободата“; „Солидарност од женски аспект“; „Аристофан во Днопоље“ и „Бог не работи во недела“.
Од 14 март во Кинотеката ќе се одржува филмскиот циклус „Прозорец кон италијанскиот филм“ кој ќе почне со драмата „Златно момче“ во која главна улога има американската актерка Шерон Стоун. Ревијата годинава ќе прикаже седум филма и ќе заврши со „Патувањето наречено љубов“ на Микеле Плачидо, филм за љубовите на поетесата Сибила Алерамо.
И овој месец Кинотека ќе продолжи да прикажува филмови од шведската кинематографија - „Разделба“ на режисерката Карин Екберг, а во рамки на Францускиот киноклуб ќе биде прикажан филмот „Случајот СК1“ на Фредерик Телие – за првиот сериски убиец кој во Франција е откриен со помош на ДНК, наречен „Ѕверот од Бастилја“.
До крајот на март Кинотеката ќе ги прикаже и: „И понатаму Алис“ (Оскар за актерката Џулијан Мур за 2014); „Јас сум Ли“ на Андре Сергре (со кинеската актерка Тао Зао и актерот Раде Шербеџија); „Пилешко со сливи“ на Венсан Пароно и Марџан Сатрапи и „Скајлаб“ на актерката и режисерка Џули Делпи.
Ново на Сител
-
Уапсен штипјанец кој ја нападнал сопругата со која се разведува
-
Приведен штипјанец по пријава дека физички ја нападнал сопругата
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД