Доделување награди од годинашниот литературен проект „Творам за Македонија“
Фондацијата „Никола Кљусев" денеска напладне ќе ги додели наградите од проектот „Творам за Македонија” наменет за основци и средношколци кој со поддршка на Министерството за култура го организира петта година.
Целта на проектот е да го поттикне творештвото, убавото изразување, креативноста и натпреварувачкиот дух на учениците од основните и од средните училишта во Македонија. Годинава тие пишуваа на темата „За тебе пеам, за тебе пишувам”.
- Жирито беше доведено пред сериозен предизвик да ги избере првите меѓу најдобрите, и одлучи да награди по пет најдобри творби од основните и средните училишта, соопшти Фондацијата.
Покрај дипломи и комплет книги, наградените ќе добијат и стипендии за школување: учениците од основните училишта добиваат стипендии за Приватното средно училиште САБА, а наградените средношколци добиват ваучер со 25 проценти попуст за студирање на Универзитетот „Американ колеџ“-Скопје.
Во изминатите четири години учениците составуваа стихови и прозни творби за татковината на темите: „Моето име, тоа сум јас“; „Јас и мојот град“; „Мојот јазик, тоа сум јас“ и „Мојата иднина ја создавам јас“.
Ново на Сител
-
Во Скопје има 180 пожарникари, а потребни се над 450 - Подобри услови ќе бараат од новата Влада
-
Преглед на вестите од светот
-
Европската комисија повикува на почитување на Преспанскиот договор
-
Се одбележува 20 мај - Денот на пожарникарите
-
Стабилна состојба на работникот, кој се здоби со тешки повреди во лифт во штипски угостителски објект
-
Високиот крвен притисок причина број еден за смртни исходи
-
Преглед на вестите од светот
-
Тема на денот со Џевдет Хајредини