До 2023 година Германија го забранува контроверзниот хербицид глифосат
Германија ќе ја забрани употребата на контроверзниот хербицид глифосат до крајот на 2023 година, одлучи германската влада денеска и воведе серија мерки за заштита на инсектите и животните.
Забраната за тој хербицид произведен од Монсанто ќе стапи на сила на 31 декември 2023 година, кога истекува дозволата издадена од ЕУ.
Сепак, Германија нема да чека за 2023 година и ги предвидува првите ограничувања следната година, со забрана за употреба во парковите и приватните градини, како и први ограничувања за земјоделците.
„Ја критикуваме одлуката на германската влада за постепено елиминирање на глифосатот до крајот на 2023 година”, одговори Лиам Кондон, член на бордот на директори на фармацевтската компанија Баер, кои го купија Монсанто.
„Таа одлука не ја зема предвид повеќедецениската научна анализа на независни регулаторни тела од целиот свет дека глифосатот е безопасен ако се користи правилно”, се вели во соопштението.
Во Германија, биолозите предупредуваат на алармантен пад на популацијата на инсекти, предизвикана делумно од хербициди, што ги оштетува екосистемите и опрашување на растенијата.
Покрај тоа што е погубен за инсектите, глифосат, исто така, стана општествено прашање откако беше класифициран како „веројатно канцероген” од Меѓународниот центар за истражување на ракот.
Поради глифосат, во тек се илјадници американски процеси против Монсанто, производител на хербицидот и филијала на германскиот хемиски гигант Баер.
Глифосатот и зеленото светло од 2017 година во ЕУ за негова употреба предизвикаа судири во коалицијата Ангела Меркел и конзервативците, склони кон негово користење и социјалдемократите кои се против тоа.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО