До 13 часот во Могила одѕивот 32,7 проценти, во Новаци 48,5 отсто

Граѓаните од општините Могила и Новаци кои избираат кандидати за пратеници од ИЕ4 непречено го остваруваат своето право на глас и избор на пратеници во Собранието на Република Македонија.

Од ОИК-Могила информираат дека до 13 часот гласале 32,72 отсто или 1.785 од 5.455 граѓани кои имаат право на глас.

- Гласањето се одвива на 23 избирачки места, поврди претседателот на општинската изборна комисија во општина Могила, Славко Велевски.

Во соседната општина Новаци до 13 часот гласале 48,5 отсто или 1.448 од 2.985 граѓани регистрирани во единствениот избирачки список.

-Граѓаните гласаат на 24 избирачки места, посочи претседателот на ОИК-Новаци, Стевче Стевановски.