Директорот на Ферари: Хамилтон ќе биде конкурентен и тоа многу наскоро
Директорот на Формула 1 тимот на Ферари, Фред Васур, го поддржа Луис Хамилтон во неговата желба да се прилагоди што е можно побрзо во италијанскиот тим по несигурниот старт на првите тестови пред Големата награда на Австралија.
На првиот слободен тренинг на „Алберт Парк“, Хамилтон постигна само 12-то време, повеќе од половина секунда побавно од неговиот тимски колега Шарл Леклер, кој беше трет.
Седумкратниот светски шампион Хамилтон го постигна петтото најбрзо време во втората сесија, но сепак беше 0,42 секунди зад Леклер, кој овој пат заврши на првото место.
Васур, кој зборуваше помеѓу двата тренинзи, истакна дека никој од тимот не очекувал Британецот да биде на врвот на својата форма на стартот.
-Не е прашање на брзина. Целта за него е да запознае сè во тимот, да го научи софтверот, процесот, системот. Мислам дека имаме многу заедничко со Мерцедес, но немаме исти имиња или начин на користење. Тоа е процес на учење, сподели Васур пред новинарите.
Директорот потсети дека поранешниот возач на Ферари, Карлос Саинц, победил на претходното издание на трката во Австралија, два дена откако на првиот тренинг го освои само осмото место.
-Не може да се извлечат заклучоци од првиот слободен тренинг. Не се сомневам дека Хамилтон ќе биде конкурентен, и тоа многу брзо, убеден е тој.
Ново на Сител
-
Зеленски предлага 30-дневно, наместо 30-часовно примирје, како што објави Русија
-
Продолжуваат протестите во Турција поради приведувањето на градоначалникот на Истанбул
-
Почина Тоше Поп-Симонов
-
Москва и Киев разменија воени заробеници пред Велигден
-
Собир на вработени во РТС: Ако раководството не ни се обрати итно – ќе сметаме дека се повлекле
-
Пронајден возачот кој во Скопје со „фиат” удри во тротинет
-
Путин објави велигденско примирје - запираат сите воени операции
-
Бискуп Киро: Велигден не познава ,,наш" и ,,ваш" календар - да се молиме за заедничко чествување затоа што тој му припаѓа на Христос