Директорите на ФЗО се сретнаа со делегација на Фондот за здравство на Црна Гора
Директорите на Фондот за здравствено осигурување, Ден Дончев и Орхан Рамадани денеска се сретнаа со претставници на делегацијата на Фондот за здравство од Црна Гора.
Работната средба, соопштија од ФЗО, се одржа на иницијатива на Фондот за здравство на Црна Гора, чии претставници изразија интерес да добијат попрецизен преглед и информации за реформите во македонскиот здравствен систем, особено реформите во надлежност на Фондот за здравствено осигурување на Македонија.
На средбата беше разменето искуство меѓу стручните лица и делегацијата на Фондот за здравство на Црна Гора, со посебен осврт на македонските искуства во реализацијата на проектите на Светската здравствена организација во врска со националните здравствени сметки, плаќањето услуги по моделот на дијагностичко сродни групи ДСГ, кој во нашата земја е воведен од 2009 година, како и набавката на лекови и моделот за договори со приватните здравствени установи. Средбата беше оценета како конструктивна и беше истакнато заемното задоволство од соработката меѓу двата Фонда, при што стана збор и за модалитетите и механизмите за продлабочување на заедничката билатерлна соработка, информираат од Фондот.
Ново на Сител
-
Сиљановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата