Дипломатскиот скандал меѓу Турција и Холандија се пренесе во интернет просторот
Дипломатскиот скандал меѓу Турција и Холандија денеска се пренесе и во интернет просторот, откако мноштво налози на Твитер на водечки организации ширум светот беа погодени од кибер-напади.
На страниците на организациите, меѓу кои и Европскиот парламент, „Амнести интернешнал“ и „Форбс“ се појавија антинацистички пораки на турски јазик.
При нападите, што личат на форми на политички вандализам, беа користени хаштаговите #Nazialmanya (нацистичка Германија) и #Nazihollanda (нацистичка Холандија).
Со кибер-нападите, со голема веројатност извршени од страна на поддржувачите на политиката на турската Влада, биле погодени и налозите на Твитер на претставништвата на УНИЦЕФ и на „Би-Би-Си“ во САД, претставништвото на „Ројтерс“ во Јапонија, на германскиот весник „Билд“, како и на Светската метеоролошка организација, јави ТАСС, повикувајќи се на телевизија „Си-Ен-Би-Си“.
Исто така, бил нападнат и налогот на Твитер на канадскиот пејач Џастин Бибер, посочува телевизијата.
Американските медиуми забележуваат дека нападите врз налозите на Твитер веројатно немаат никаква врска со скандалот меѓу Турција и Холандија.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект