Девојки на 23 и 24 години меѓу починатите од Ковид-19, едната без хронични болести

Девојки на 23 и 24 години се меѓу починатите пациенти од коронавирус во изминатите 24 часа.

Дваесет и три годишната девојка од Кичево имала и други заболувања, а што ковид -19 само и ја комплицирал здравствената состојба.

Втората млада девојка е на 24 години, немала никакви други заболувања и починала на Инфективната клиника.

Од Министерството за здравство за „360 степени“ велат дека таа не реагирала на терапијата која и била давана на Инфективната клиника каде се лекувала последните денови.

Пред да биде донесена на Инфективната клииника се лекувала во еден од ковид-центрите на интерните клиники, а пред тоа една недела се лекувала дома со антибиотик по препорака на матичен лекар.

„Пациентката била позитивна на ковид – 19 и една недела се лекувала во домашни услови со антибиотик, по препорака на матичен лекар. Поради проблеми со дишењето пацинетката се јавила во болница и е хоспитализирана во еден од ковид центрите од интернистичкиот клинички блок. Поради влошување на состојбата, пациентката во многу тешка состојба е префрлена на КИБФС, каде е продолжено е со интензивно лекување. Пациентката не одговарала позитивно на терапијата и за цело време и се влошувала состојбата“, се вели во одговорот од МЗ.