Девет сообраќајки во Скопје, шест лица полесно повредени

Шест лица се здобиле со полесни повреди во пет од вкупно девет сообраќајни незгоди што се случиле во Скопје во текот на изминатото деноноќие. Во четири сообраќаки е причинета материјална штета.

Сообраќајната полиција вчера санкционирала шест возачи кои се движеле со брзина поголема од дозволената, пет возачи кои поминале на црвено светло на семафор, четворица возачи кои не ги почитувале правилата за престигнување, двајца возачи не отстапиле првенство на минување на пешаците на обележан пешачки премин, како и 12 возачи кои го управувале возилото без возачка дозвола, односно нерегистрирано. Затекнати се и 43 непрописно паркирани возила.

Со специјалното возило „пајак“ отстранети се 65 возила.

Денеска во 12 часот вработените во МЗТ Леарница ќе одржат мирен  протест на улица „11 Октомври“ пред Собранието на Република Македонија и пред Дирекцијата на УЈП. Со цел непречено и безбедно одвивање на сообраќајот, како и на овој вонреден настан, од сообраќајната полиција ќе бидат преземени соодветни мерки за сообраќајно обезбедување, а по потреба и пренасочување на сообраќајот.