Детектор анкета: Во Македонија не е тешко да се земе кредит – најмногу се користи потрошувачки
Граѓаните во мнозинство се на ставот дека не е тешко да се земе кредит во Македонија покажува последната анкета на Детектор изработена од Институтот за политички истражувања Скопје. Според неа 47,8% од граѓаните велат дека е лесно да се земе кредит додека 31% не се согласуваат со нив.
Споредбата со анкетата од пред 3 години покажува дека денеска е потешко да се земе кредит во Македонија. Ако во 2020 година 52,3% рекле дека е лесно да се земе кредит што е повеќе од 47,8% колку што денеска рекле дека во Македонија е лесно да се земе кредит. Бројот на граѓани кои изјавиле дека не е лесно да се подигне кредит во Македонија од 22,2% во 2020 година скокнал на 31% во последната анкета.
Дури 63,1% од граѓаните изјавиле дека не користат кредити. Оние кои користат, најмногу се одлучуваат за потрошувачки кредит. Ваков кредит изјавиле дека користат 20,3% од анкетираните. 8,2% користат станбен кредит, 2,6% автомобилски а 2,1% брз кеш кредит.
Очекувано станбениот кредит најмногу го користат анкетираните кои се на возраст во таа категорија на млади брачни парови односно од 30 до 39 години. Потрошувачкиот кредит најмногу го користат граѓаните кои се на возраст меѓу 40 и 49 години. За брз кеш кредит според анкетата на Детектор најмногу се определуваат невработените граѓани и студентите.
При земањето на кредитите за граѓаните клучни се каматните стапки 52,9% велат дека кога земаат кредит каматните стапки им се пресудни додека 16,4% велат дека клучно за нив е полесното одобрување.
Анкетата на Детектор ја спроведе Институтот за политички истражувања Скопје во периодот од 27 до 30 март оваа година врз репрезентативен примерок од 1117 испитаници
Ново на Сител
-
Приведен 46 годишен тетовец, со воздушна пушка ја повредил сопругата на неговиот брат
-
Акција во општина Карпош за проверка на хидрантската мрежа во зградите
-
Пред македонската Амбасада во Белград граѓани оддадоа почит за загинатите во Кочани
-
Приведен 25 годишник, се обидел да избега со „ауди“ и удрил во паркирано возило на МВР
-
Удрен 58 годишен скопјанец со возило, возачот го напуштил местото на настанот
-
Во стабилна состојба е пациентот од Кочани кој се лекува во кумановската болница
-
Двајца повредени во пожарот во Кочани префрлени на лекување во КБЦ во Загреб, градоначалникот нуди бесплатно сместување за родителите
-
Тешко повреден 65 годишен работник во фабрика во Куманово