Дескоска ја презеде функцијата министер за правда
Новата министерка за правда Рената Дескоска денеска по преземањето на функцијата од нејзиниот претходник Билен Саљији, најави дека нејзина првенствена заложба ќе биде подобрување на состојбата на граѓаните со остварувањето на нивните права и реформите во судството.
- Еден од првите приоритети е измена на Законот за извршување со цел да се овозможи поправеден систем со помали трошоци во постапките пред извршителите, изјави Дескоска.
Вториот приоритет, посочи таа, се реформите во судството со оглед на тоа што во Министерството за правда веќе е донесена стратегија за реформи.
- Во догледен период ќе следи процес на преговори со оглед на тоа што дел од законите се носат со двотретинско мнозинство, за да може да се изменат. Тие што не се носат со двотретинско мнозинство очекувам да се донесат со најширока можна поддршка во Собранието, бидејќи навистина имаме волја судството да го направиме независно и да овозможиме правна основа за негова независност. Сметам дека тоа треба да биде од интерес на сите политички партии, изјави Дескоска.
Поранешниот министер за правда Билен Саљији, кој поднесе оставка во март годинава, по официјалното предавање на функцијата рече дека работата на Дескоска за нијанса ќе и биде полесна, бидејќи друго било да си министер за правда на 1 јуни 2017 година, а друго сега кога се јасно поставени контурите за реформи во правосудниот сектор.
- Останува се тоа што го зацртавме со макотрпна работа да го спроведе на дело, за да добиеме што понезависен судски систем во Република Македонија, рече Саљији.
На новинарско прашање каде ќе продолжи Саљији рече дека за тоа ќе одлучат органите на партијата.
Во однос на неговото раководење со министерството, Саљији кажа дека ќе покаже времето и ќе оценат граѓаните.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ