Денес времето сончево и многу топло со слаб ветер

Времето во земјава ќе биде претежно сончево и многу топло со слаб ветер од променлив правец.

Утринската температура ќе се движи од 10 до 18, а дневната од 33 до 39 степени.

УВ-индексот ќе изнесува 9.

Во Скопје, сончево и многу топло. Утринската температура ќе се спушти до 17, а дневната ќе достигне до 37 степени.

Од вторник времето ќе биде сончево со  мала до умерена облачност, а ќе има и локален развој на нестабилна облачност со краткотраен пороен дожд и грмежи. Ќе дува умерен, вдолж Повардарието повремено засилен северен ветер, а дневната температура постепено ќе опаѓа.