Ден на жалост во Штип, по тешката сообраќајката во која загинаа две лица

Општина Штип прогласи ден на жалост, откако Р.Шалев (30) и К.Петров (41), двајцата вработени во штипскиот затвор, загинаа во втората сообраќајна несреќа која се случи во рок од четири дена во Штип.

Загинатиот Петров е брат на Влатко Петров од населбата Чардаклија кој загина како припадник на АРМ за време на конфликтот во 2001 година, пренесува ТВ Стар.

Несреќата се случи синоќа по 19 часот, кога возилото со кое оделе на работа излетало од патот и завршило во реката Брегалница. Нивните колеги кои биле во второ возило веднаш зад нив излегле да помогнат, но не успеале да ги спасат.

Истрагата треба да покаже дали починале како последица на удар или се удавиле во реката.