Демонтрации во Атина против забраната за носење буркини во Франција

Антирасистички организации и мигрантски заедници во центарот на Атина организираа митинг во знак на протест против намерата на француската Влада да го забрани носењето на костими за капење-буркини и против исламофобијата, информира грчкиот весник „Катимерини“.

Демонстрантите изведоа и прошетка до француската амбасада, а за тоа време улиците околу амбасадата беа затворени за моторни возила, пренесува БТА.

-З абраната на буркини им го одзема на луѓето правото на избор, рече лидерот на движењето „Обединети против расизмот и фашистичката закана“, Петрос Константину.

Во демонстрациите учествувал и полугол маж со пароли против исламофобијата, напишани по телото.

Во прошетката се вклучиле претставници на пакистанската заедница во Грција, на Сојузот на муслимани во земјата, на египетската и на сенегалската заедница и на грчката заедница од Бангладеш.